當年今日
關於我們

貴價狂牛三捷加額外獎金都未回本!

蘋果日報 2014/06/15 06:00

莫雷拉牛精叻仔貴價狂牛三捷加額外獎金都未回本!

練馬師榜爭持激烈,排二至四位之方嘉柏、告東尼及大摩,截至第九場各建一功。其中告東尼第九場三班1400米,用雷神贏次熱門「牛精叻仔」,擊敗亞、季軍「太陽驕子」、「馬飛龍」,前駒出自今屆本地拍賣會,出道至今五戰三冠一亞一季,上名率高達百分百,與今季暫得三W兩P之廐侶「英勇大師」,堪稱S布生力軍一時瑜亮,本年度最佳新馬獎項,已成為呢對東廐馬對峙之局,鹿死誰手下個月自有分曉!
「牛精叻仔」馬主王永強呢日出動兩位千金打氣得手,連埋家族「牛精好友」及「牛精仔」季內各贏過一場,今季未完王永強一家已經拎咗五個W,不過「牛精叻仔」身價高達500萬港元,家陣王永強嗰份獎金約120萬,就算加埋拍賣馬首勝三班賽60萬元額外獎金,合共亦只有約180萬,馬主仲有排至回到本。