【準備入亞視】賀《百萬富翁》新主持 王喜爆志雲置裝接手
王喜陳志雲莊思敏亞視百萬富翁芬蘭陳綺明溏心風暴極光
莊思敏、王喜同陳綺明等今日喺尖沙嘴出席健康產業頒獎禮,啱啱從芬蘭看完極光返港嘅王喜,嘴唇爆瘡,佢話係因為芬蘭天氣凍兼乾燥所致。對於亞視復活,王喜早前已應邀錄影咗恭賀片段,提到好友陳志雲將主持節目《百萬富翁》(新聞連結: http://bit.ly/2iTVWRR ),王喜話:「我已經陪佢揀咗好多新西裝同煲呔。」佢仲話自己對跟亞視合作持開放態度,如果有合作機會,佢傾向主持旅遊節目。
至於亞姐出身陳綺明已收到舊同事邀請,參與《百萬富翁》慈善版,佢話:「知道返大埔廠拍,大概1月頭,仲未知係錄影定直播。」陳綺明仲話收到邀請後已經開始緊張,並集合律師、運動及學術界朋友當智囊團,以作參賽當日嘅後盾,有得打電話求助。
另外,莊思敏對於大台劇《溏心風暴3》收視差兼劣評如潮,佢指唔少人偷步喺網上平台率先睇,所以影響收視數字,佢話:「我有上網睇評論,話成日鬧交好嘈,但呢個係《溏心》風格,慢慢睇,到尾段劇情好有張力。」
更多娛聞,喺晒《娛果》
http://fb.com/appledailyent
陳綺明話已經收到亞視舊同事邀請參與《百萬富翁》慈善版