何俊仁表示，政府應盡快就副局長不能持有外國籍，定出明確政策和決定，最理想做法是按照社會期望，立法限制副局長不能擁有外國籍，「𠵱家市民嘅期望已經好清楚」。他又批評，今次副局長風波除反映政府審批副局長政治敏感度不足外，亦反映推薦持加拿大籍的蘇錦樑出任副局長的民建聯，在政治判斷和政治承擔有問題，「我諗佢哋亦會被市民追問，因為佢哋成日嗌人留港、建港，又自稱愛國，但原來佢哋覺得由外國人做問責官員都無所謂。」
何認為，目前市民要求政府按社會民情立法，限制副局長不能持外國籍十分合理，「市民係想培訓佢哋成為本地局長，如果你哋連外國籍都唔肯放棄，咁仲講乜嘢承擔？我哋究竟用緊公帑去培訓邊個國家嘅人才？」基本法研究中心主席胡漢清指，《基本法》實行已10年，當局可以考慮檢討對司法機構和功能組別的國籍限制。民建聯主席譚耀宗指，不覺得有需要就國籍問題修改《基本法》，亦看不到有需要立法，但他未能提出政府回應民意的具體做法，只稱「呢個要等政府自己去考慮」。