賭王何鴻燊三太陳婉珍，今晚同一對子女何超蓮、何猷啟出席澳洲一間酒店喺中環舉行嘅開幕酒會，其他嘉賓仲有丁子高、琦琦、王賢誌、李蘊等人。

今次呢個project，其實係三太嘅。超蓮依家主力幫媽咪喺澳洲嘅酒店項目打骰，亦係佢本人嘅創業作(文章連結：　 http://bit.ly/2AuXFHL )。超蓮嘅工作，包括睇住盤數同拓展。而呢間酒店重組工作都唔易，包括翻新裝修同物色新嘅管理集團，佢話最初做呢個project都有壓力：「酒店係爹哋30幾年前買，本來係office，因為佢好鍾意所以買咗，呢個係我第一個project，都用咗3年半時間去做。」

酒店早前已經喺澳洲開幕，問超蓮有冇俾媽咪讚叻女？佢笑謂：「媽咪有一齊去澳洲剪綵，佢都好鍾意，達到佢要求，做到有度假感覺。」超蓮又話，計劃開始時出現超支，都有被媽咪問原因，叫佢唔好只聽人講，一定要自己睇，好彩完成計劃比預期用少咗數百萬元。

何太其後同超蓮一齊受訪，仲讚超蓮做得唔錯，何太開心咁話：「做得幾好，都放心俾佢多啲project，俾佢80分，因為仲後生，好多嘢冇經驗。」超蓮聽到媽咪稱讚，即笑稱：「唔鬧就係讚㗎喇，佢唔鍾意讚人，怕讚多咗會囂。」

問何太係咪辣媽？在旁超蓮即撘嘴話：「身材火辣個辣？」何太就踢爆超蓮細個最曳，但o依家大個咗，個個都乖。問何太覺唔覺得超蓮太多緋聞？何太話唔覺，仲話男女朋友好普通。至於，超蓮揀男朋友係咪有眼光？何太話：「將來佢會自己諗，係佢老公。(你有乜條件?)我第一個條件同最尾一個，都係要鍾意我個女。」

更多娛聞，喺晒《娛果》
http://fb.com/appledailyent

溫馨回帶：
【三太係嚴母】超蓮封賭王爸爸做偶像 後生靚仔過劉德華
http://bit.ly/2iZAtKP

【追星淨係追過吳尊】唔鍾意着裙唔化妝 26歲麻甩超蓮：千金同我唔襯
http://bit.ly/2AyhgXg ]

【何家何家何超蓮】賭王千金一日點樣過？義字當頭瞓身陪老幼
http://bit.ly/2AXJDyq

【何家何家何超蓮】第一份工做打雜 現掌家族生意投資部
http://bit.ly/2AuXFHL