國家主席習近平今日抵港，國母彭麗媛亦有同行，繼續展示她的「麗媛style」。彭麗媛著了一件中式領口圖案直紋上衣，搭配及膝裙、米白手袋及密頭中跟鞋。

香港著名設話師鄧達智（William ) 評習夫人機場look 有80分，「習夫人今次上衫jacket著左一個似直紋的pattern，係幾得意、幾新鮮的選擇，之前未見佢著過呢類圖案，感覺都幾清爽，雖然款式尚嫌老實咗，但都係正統打扮。如果裙和鞋的顏色可以match 返，裙再淺色些，會更加好。」

至於髮型、妝容，William 曾指彭麗媛的上梳髮型、露出高額太舞台feel ，今次亦梳得太高，他指應是官方原則，情有可原，「中國女高官、高官夫人外訪，甚至中央電視台女主播，前面頭髮都唔可以遮住額頭。咁呢點有些可惜，如果髮型可以改一改，可以增加多些韻味及時尚感。」

鄧達智大讚習夫人彭麗媛今次的輕鬆打扮，感覺舒服自然，應多以從容格局及打扮外訪，「作為中國主席夫人，都唔一定要打扮嚴肅才顯出身份。」彭麗媛今年4月跟習大大訪美，多個打扮都被外間評為老氣，「上次係著好多旗袍、中國衫，計算得太嚴肅，好老氣，反而被Donald Trump老婆片低咗，所以上次的滑鐵盧都係俾士貼士佢，之後外訪及今次來港，都選擇以輕鬆為主。」