朱慧敏和彭懷安（Eddie）的關係，由夜蒲媾女開始，婚禮延期、出走美國，冷靜過後，Eddie降級做好朋友和好拍檔，但是日前Eddie失足拳頭落地，導致骨折入院動手術，Eddie住院一晚，身為知己好友的朱慧敏兩度探訪，昨日她第二度探望Eddie之後，先行離開，Eddie其後獨自出院，Eddie接受訪問時表示跟朱慧敏的感情穩定，二人有良好溝通，結婚再遲一年先，戲劇性的發展，真是估不到。

Eddie感窩心

朱慧敏昨早8時半現身浸信會醫院探好友Eddie，有報道指二人因生仔問題終極分手，她說：「我哋從來都冇講過，總之都係好朋友、好知己嘅關係。」被問到是否復合，朱慧敏不置可否說：「感情嘅事好難講，我都答唔到你一陣會發生啲乜嘢事，係唔係先？」她更重申自己很喜歡小朋友，Eddie亦好鍾意小朋友，二人一向都有共識，她亦表示未聽過生BB會提高患癌機率。
當Eddie出院時，被問到意外詳情，他強調是小手術：「唔小心仆親，拳頭落地，所以有少少骨折，係小手術，落番條鋼筋。」對於朱慧敏兩度探望感覺窩心，並強調今次是意外，不是報道所講的分神整月餅受傷。
採訪、攝影：黃曉程