昨晚留意美國議息結果，聯儲局最後大刀闊斧，減息半厘，比預期25點子多，但依然未算超出預期。
今次減息能否拯救美國次按樓市，天曉得。畢竟次按風暴這四個字，大家聽了幾個月，總括而言，市場未見大變動。
基本上，減息使按揭息口下降，刺激樓宇買賣；但同時間，也會鼓勵借貸，錢多了，通脹就加劇。到了最後，日常使費不知不覺漲價，受苦的當然是小市民。故此，聯儲局間接是用了小市民錢，救濟金融地產。

縱容埋下禍根

碰巧，昨天思哲在旺角街頭目睹一宗怪事：
女子怒不可遏地邊走邊鬧：「你真係好cheap呀，唔好同人講我識你！」
男子在女子背後趕上，拉住女子，大惑不解問：「究竟發生咩事？」
女子回頭，怒氣冲冲：「你話吖？頭先你望嗰個女仔靚啲，定我靚啲？」
旁人立即恍然大悟，還吸引了更多食花生的觀眾。
男子彷彿明白發生了甚麼事，但一瞬間面上的表情又像洩了氣的皮球：「咁你要我答，我梗係話你靚啦。」
女子聽後更顯不滿，快步離開，並重複第一番說話：「所以咪話你cheap囉，唔好同人講話我識你﹗」
（思哲代入男子講句，小姐如果我唔識你，又點會同你講話你靚啲呢？）
此女橫蠻無理，明眼人一睇，也知道是男友平日太過遷就之過，結果連望女仔的自由也失去了。
Bernanke就有如男事主，為討好投資次按的銀行及投資機構，百般遷就，只是投資機構今次嚐到了甜頭，將來再投資，心想反正政府肯包底，當然選擇高回報的項目，漠視高風險。萬一再搞出甚麼creditcrunch，就真是神仙難救。
案內人隨筆網： http://wanszezit.wordpress.com/
電郵：[email protected]