袁彌明一手創立嘅百貨店，今年2月上市，呢位CEO今日喺銅鑼灣開設第9間旗艦店，仲邀請咗邵仲衡同陳逸璇擔任開幕剪綵嘉賓。雖然旗艦店設於名店商場入面，但袁彌明表示租貴合理，裝修費花咗近7位數字。問到佢仲有咩目標？袁彌明話：「繼續搵新產品帶畀大家。」佢指老公經常為佢做白老鼠試產品，笑言要捧老公做全港首位男性護膚品KOL。由於現時忙於生意，佢表示暫時未有生小朋友嘅計劃。

對於ViuTV開拍新劇《詭探前傳》，游學修將飾演喺劇中的扮演茅山師傅嘅邵仲衡年輕版，邵仲衡話：「暫時應該冇我。」講到秋官接拍呢套劇，邵仲衡表示當時《詭探》已經鋪咗線，有呢個角色，所以秋官係飾演邵仲衡嘅師傅：「我希望有份演出，我本身同ViuTV有啲默契，當然佢需要我，我會配合，以我所知，《詭探前傳》同《詭探2》都有藍本，睇下將來點樣啦，啱嘅就做好佢，我好開心呢套劇入到屋，可能失驚無神客串下呢。」

精選娛聞，喺晒《娛果》
http://fb.com/appledailyent