第53獎金馬獎今晚喺台灣舉行，今屆有好多香港人入圍名單，新晉導演陳志發執導《點五步》演「細威」嘅胡子彤有份提名角逐最佳新演員，去年香港演員白只就憑《踏血尋梅》贏新人獎，作為港人當然希望胡子彤能「冧莊」(新聞連結： http://bit.ly/2fymROX )

最佳新演員係由許冠文負責頒獎，許冠文喺頒獎前就話「今天新演員，明天大明星」，胡子彤首次入圍可惜未能勇奪最佳新演員獎，由演《八月》嘅大陸童星孔維一拎獎，因為佢係小朋友，大會畀咗一張櫈仔畀佢，佢多謝金馬嘅評審，多謝個導演許冠文畀佢成名嘅機會，因為佢講「今天新演員，明天大明星」，亦感謝媽咪。童星孔維一喺後台做訪問時，就話導演係爸爸朋友嘅同學，所以穿針引線下拍到《八月》呢套戲，之前其實唔知咩叫《金馬獎》，但o依家就知啦，問到嚟緊最想拍咩戲，孔維一話想拍喜劇，問佢獲獎想唔想喊，佢就話：「沒有，只有高興和激動！」

孔維一致謝時謂:「首先我要感謝金馬獎的評委老師，給了我這個榮譽，也要感謝張大磊導演給我成名的機會，還有劇組的叔叔阿姨們，我的爸爸媽媽給我在劇組的關心和照顧，謝謝大家。」

最佳新演員名單
胡子彤 《點五步》
陳宇 《只要我長大》
陳庭妮 《失控謊言》
孔維一 《八月》
金巴 《皮繩上的魂》