追星族為見偶像一面，有時苦等幾個鐘都覺得值得，不過有些fans佔有慾特別強，將對偶像的愛轉化成恨！

近日鄧健泓（Patrick）和老婆石詠莉（Sukie）聲稱被一位很難溝通的歌迷Emily纏繞，Emily今年7月曾出言侮辱石詠莉是「臭X咁嘅X樣」，Patrick事後出post表示這位石詠莉歌迷Emily不停用新account寫粗口留言，甚至用粗口責罵老婆石詠莉及其他歌迷，所以Patrick才請她離開群組。

未想到事情卻沒完沒了，昨晚11點幾，Patrick再次在facebook留言跟Emily割席，批評她用語言暴力攻擊別人，是不懂尊重別人的人，希望她公開道歉，Patrick續道：「你自己『自認』歌迷會會長，官方歌迷會也發出聲明。公告你的惡行。我講多次，我係接受公開道歉。我本人、Sukie和石窩的朋友，都受夠你的欺凌行為。」

Patrick稱Emily的行為已超越底線：「u just crossed my fxxking bottom line. by the way 我唔係狗公！」之後他貼出與老婆石詠莉慶祝33歲生日的照片。

不少fans也撐Patrick，覺得公道自在人心，大家有目共睹，指Emily活在自己的世界，明星並非她一人獨佔，不能要求「偶像」24小時只關注她，該名似乎認識Emily的fans回覆：「就算最fd嘅fans、會長都要明白其他人都可以同自己偶像接觸，點解要覺得自己付出好多就要收穫返番咁多，何況我覺得嗰啲所謂付出唔係人人受得起或者個偶像會歡喜，唔鍾意可以離開而唔係繼續放唔開去鬧人囉！」

另一歌迷亦加入戰團，稱喜歡偶像當然想多人一起參加，凝聚更大力量：「佢（Emily）喜歡用強權來刷存在感，要其他fans加入佢嘅勢力及認佢做會長才可繼續一齊參與，可惜佢只懂人治，完全冇領導才能、謀略及胸襟，人哋幫手舉吓牌就無端端鬧人哋，有幸得到佢支持嘅明星歌星，真係要留意一下。」

直至凌晨，神秘的Emily終於現身！她在Patrick的FB回覆，對話頗有火藥味：「同你道歉下世啦！你同Sukie點樣對我呀！」Patrick反擊稱現在是給她一個公開道歉的機會，Patrick揚言已集齊她的所有對話紀錄，想公開讓一眾網民審視，Emily不忿地回應：「你有畀（機會）我?好似冇囉！上次我喺商台同你道歉，你冇理我，唔係我冇講，你足足要我在商台門口等咗7個鐘，最後你冇停車畀Sukie佢同我合照，我先發火爆粗，掉翻轉嗰個係你，喺條街又熱又焗，你會有乜感受?」

Patrick反問：「你唔記得之前點解我咁嬲嗎？是否失憶？點解全世界都憎你？」Emily並不領情地回覆：「你話我鬧粉絲，係別人鬧我在先，我先反駁，唔係全世界，係某幾個人，我冇全世界咁勁。」Patrick則覺得：「唉！到今日仲不知悔改。」Emily認為自己無錯：「何解要改?現在我唔想見到你哋兩個，係咁，講完！」《蘋果》查看Emily的個人FB發現她近排的偶像是MIRROR成員的Anson Lo，以及日本搖滾樂隊The Gazette，看來她早已「移情別戀」，到底是否關「狗公」事，令Patrick開post鬧爆她！？
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此