03年反廿三怒潮間接促使公民黨誕生。前黨員、民主思路召集人湯家驊由03年起參加7.1遊行，直至2016年，去年加入行政會議前首次缺席。他表示，參與遊行一向以平常心面對，「遊行係一種參與感同表達感嘅活動，如果有一兩年唔太認同主題，唔去唔等於否定7.1遊行嘅精神。我記得有一年係講同志，我都有好多朋友冇去，咁唔代表我啲朋友係因為咁永遠都唔去遊行。」

今年又會否參與7.1遊行？湯指仍未決定，因手上有數個研究報告進行中，他得悉7.1主題後表示：「你話香港淪陷，我又好難認同，你話結束一黨專政，我又冇所謂。叫我為香港淪陷去行，有啲抗拒感。香港淪陷緊咩？我唔覺得係呀，對唔住，無論政治、經濟都唔係淪陷，淪陷係衰到貼地喎！」他認為遊行必須視乎主題，如認同他會盡量出席，但不出席不等同否定遊行精神。

記者 袁楚雙