噚日29歲牛一嘅韓劇《當你沉睡時》男星李鍾碩，已屆韓國入伍當兵嘅年齡，李鍾碩近日舉行粉絲見面會時，已透露入伍前會再拍多一齣劇，預計明年初就要入伍。

早前有報道指李鍾碩有望拍攝新劇《浪漫是別冊附錄》，並與女星李娜英合作，而李鍾碩方面亦指：「積極討論中」，似乎演出嘅機率都好高。而趁拍新劇、入伍前，李鍾碩就頻頻飛到海外開騷見粉絲，噚日佢就抵達泰國，準備今日嘅見面會。雖然李鍾碩戴住口罩現身，遮住咗靚仔樣，但佢就親民地不停向粉絲揮手。不過泰國當地氣溫近30度，李鍾碩仲着住長袖衫示人，難道唔覺得熱？

精選韓流，喺晒《娛果》
http://fb.com/appledailyent