由孔劉、馬東石、鄭有美等主演嘅韓片《屍殺列車》今年8月喺香港上映以來，以狂風掃落葉嘅方式狂收近7千萬港元票房，認真犀利。

而電影早前更喺北美上映，當中因為太受歡迎，加上係著名影評網Rotten Tomatoes中，《屍殺》嘅分數仍然高達96%，所以即使電影已於8月下架，但仍然有唔少未睇嘅觀眾好想喺戲院欣賞呢部作品，仲要求電影商重映。

《屍殺》方面話：「海外觀眾現在對於電影嘅反響依舊強烈，唔只受到海外各大電影節發出參與邀請，更獲得美國等全球觀眾嘅支持。」《屍殺》將於聽日起喺美國三藩市、拉斯維加斯等10座城市進行重映。

據知《屍殺》上完又再重映，呢個係甚少出現嘅情況，所以可以話係破天荒。