【大不了咪染】爆羅力威有白髮問題 雨僑誓保老公形象
雨僑羅力威趙希洛袁偉豪白髮護髮山竹甩髮脱髮
雨僑、趙希洛同袁偉豪今日到荃灣出席護髮產品活動,身為代言人嘅袁偉豪早前遇上喪父之痛而感壓力,亦令髮質變差,佢話除咗食健康產品之餘,亦會每日食黑芝麻調理身體,另外避免炎熱天氣下揸電單車,免得頭盔焗傷頭髮毛囊。
至於低胸裙現身嘅雨僑指本身髮質幼,所以要經常小心護理。雨僑指老公羅力威頭髮濃密,只有出現白髮問題,問到若果老公嚴重脱髮,會寧願他剃光頭定畀錢植髮?佢話:「佢嘅形象係把頭髮,我會好好幫佢睇住,唔好俾呢件事(甩髮)發生。」
日前颱台「山竹」襲港,雨僑表示屋企露台度門差點被風扯走,唯有夫婦兩人輪流拉實道門,佢話:「最後因為太攰,所以同老公抱埋啲貓,執埋電腦匿埋入房。」至於佢長大嘅長洲受重創,而佢親戚喺沙灘所開嘅小食店已經完全冧晒,整個長洲破壞嚴重。
精選娛聞,喺晒《娛果》
http://fb.com/appledailyent
袁偉豪今日以代言人身份出席活動,雨僑(左)同趙希洛都有撐場。