美股有勢,港股未有跟貼,皆因早前已升定先。恒指昨日最多升過66點,埋單進賬15點,收報17048。喺萬七關上下,反覆一番,好正常。下一鋪,美國如果加息,可視為息口快將見頂,當作中性偏好消息;如果唔加,則又當作好消息。炒嘢,咪搞P輪。
中石油C輪3875:美國油價升啲,中石油(857)亦升啲,收8.77元,揚8仙。油價與油股都係上落市,等油股跌幾個位之時,則諗吓買啲油股C輪博反彈。
中石油C輪揀3875,11月中夠鐘,輪價8.6仙,溢價4.2%,槓桿率10.2倍(有效6.5倍),引伸波幅34.3%。3615數據更靚,但昨日已有較大升幅(11%),吼較低位時先至上車。