李八方online︱獄中之鋒關注叱咤頒獎禮 籲撐廣東歌維繫香港人身份
姜濤黃之鋒叱咤可再遇見再聚
2020年度叱咤樂壇流行榜頒獎禮,曾因黑衫黑口罩出現街頭被警方截查身份證嘅姜濤,以21歲之齡奪得「我最喜愛的男歌手」同「我最喜愛的歌曲大獎」,賽果引起好大討論,到底係普遍人唔畀機會後生仔,定係新生代真係唔掂?
估唔到呢件事連獄中嘅前香港眾志秘書長黃之鋒都關注,佢透過探訪親友發放口訊,喺Facebook轉載。之鋒話,頒獎禮咁受關注,佢都好驚喜,但重點不在於「撐姜」、「撐Mirror」,或心儀歌手有冇拎獎,而係越嚟越多人重新討論香港樂壇,令「香港人撐廣東歌」成為主流。
活躍政壇嘅之鋒係咪一直都好留意樂壇?非也,之鋒都坦白講,入獄前事忙,冇乜時間聽聽,反而入獄後先有機會間中聽吓電台節目播吓歌。佢覺得不論喺香港、身處鐵窗之內,甚至流落異鄉嘅人,廣東歌真係好重要。咁之鋒自己又鍾意乜歌呢?佢話收到牆外書信,朋友抄來兩首歌佢最印象深劇,一首係林二汶嘅《再聚》,另一首係KOLOR嘅《可再遇見》。
之鋒話要維繫香港人呢個身份,廣東歌真係好重要,相信都係因為廣東話本身對香港人嘅意義,廣東話要為香港附上更多重一意思,就睇一字一句點拼凑,大家見字都可以多啲聽吓廣東歌。
-----------------------------
-----------------------------