黎燕珊和女兒劉詠詩、陳樂榣、康子妮和楊柳青今日在尖沙嘴出席活動，黎燕珊被問到曾在《法證先鋒IV》中合作的黃心穎今晨獨自返港的睇法，她說：「返嚟陪屋企人，我都掛住佢，佢都好乖，喺工作上面，希望佢有更好嘅發展。」會否與她聯絡？黎燕珊說：「如果有聚會，希望一齊參與，希望係新環境有新嘗試。」她直言很歡迎黃心穎回無綫，但談到會否擔心網民不喜歡她而影響劇集收視或者變為倉底貨？黎燕珊表示：「呢啲唔係我哋諗，好難估計，邊有諗過香港會變成咁，人算不如天算，作為演員，最緊要做好基本原則。」

另外，陳樂榣透露今年忙於珠寶品牌生意，問到投資金額？她說：「做高級仿鑽，13年用10,000蚊做網上生意，14年喺韓國設廠房，有10個員工，今年再掟200萬發展，希望做到中企業，衝出香港。」

陳樂榣坦言社會運動對生意亦一定影響：「反而踢咗我一腳，本身諗住有穩定嘅收入就OK，個女又細，想多啲時間陪佢，但經歷呢個運動，我都希望有多條後路，因為我同老公都係靠生意維生；除咗有網上店、喺銅鑼灣仲有實體店，所以影響係有，但唔多，唔會一下子打沉，其實中間都有同老公商量過做定唔做，因為有員工先後離職，啲客嚟到又會哭訴，同家人有決裂、同朋友意見唔同又割席，但係有朋友鼓勵我哋繼續做。」

採訪：黃曉妍
攝影：葉君海

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇