松岡李那主演、張建聲身兼男主角和監製的電影《作家的謊言：筆忠誘罪》，近日獲邀成為美國芝加哥「亞洲躍動電影展」( ASIAN POP-UP CINEMA ) 第九季閉幕電影，今年10月份張建聲會聯同另一監製兼導演的孫立基一同赴美出席。

由於該影展上一季選了黃秋生主演的《淪落人》播映，是以《作家》能成為閉幕電影，張建聲及團隊都感到非常鼓舞，張建聲說：「係受寵若驚，呢個電影節喺 Facebook 聯絡我，我嘅戲係從來未曾參加過外國影展，所以當收到呢個訊息時，我有啲懷疑，就搵咗公司同事了解，原來真喎。多謝自己嘅團隊好大付出，所有嘢都係感恩。」

百分百本土製作的《作家》能打着港產片旗號走向國際，張建聲坦言一切來得不易：「喺呢個時候呢個環境下，一切都得來不易，好似我一有時間就去謝票一樣，我相信試咗可能唔得，唔試就一定唔得，希望將我哋港產片繼續發揚光大甚至乎衝出亞洲去到美國咁遠。呢套戲係我三年嘅心血，亦係我哋上上下下團隊結晶品，希望票房令投資方滿意嘅話開續集。」

-----------------------------
7月4日起 《蘋果動新聞》只限升級壹會員閱覽
繼續撐蘋果！