【以為仲同李麗珍㖭】倫永亮:阿潘咁鬼浪子,諗唔到佢會結婚!
倫永亮潘源良Gin Lee劉以達
唱作人倫永亮和潘源良相識多年,潘Sir詞作《總有你鼓勵》唱紅了倫永亮,15年潘Sir在紅館舉行作品展,更搵了倫永亮做音樂總監,不過,低調的潘Sir並沒將婚訊通知倫永亮。
倫永亮接受《蘋果》電話訪問搞笑說:「雖然我同阿潘好好朋友,但我都唔知佢結婚,佢女朋友我唔識,佢喺多倫多結婚我更加唔知,所以佢返嚟我就要揼佢!依家諗下做啲乜嘢人情送畀佢哋,唔知佢幾時返,阿潘真係好低調囉,呢單嘢嚟得幾突然,因為在我心中目,阿潘咁鬼浪子,我都諗唔到佢會結婚,真係戥佢好高興。」
以前兩人同屬一間公司,相識數十年:「我同阿潘其實好熟,嗰時百代唱片公司負責同我、潘源良、林振強、周禮茂收版稅,所以以前我哋四個會坐埋食餐飯,談下天說下地,我同佢嘅友情從嗰時開始,但私人生活好少講,我一直以為佢仲同李麗珍㖭,路透社消息如果請着我一定執笠,哈哈哈!嗰時我諗都諗唔到佢喺電視台講波,完全諗唔到佢咁熱愛踢足球,我諗講得波應該唔係怕醜嘅人,但私底下好奇怪,佢唔係滔滔不絕講嘢嘅人。」
此外,潘Sir去年詞作《緣.兩半》紀錄了他和妻子的愛情故事,亦安排友人在婚禮上獻唱這首歌,而原唱歌手Gin Lee原來不知道歌曲背後故事,Gin Lee以短訊回覆《蘋果》:「好開心佢哋有情人終成眷屬,恭喜曬!《緣.兩半》係一首好感人嘅歌,我同好多樂迷都好鍾意,祝潘sir同Rita永遠幸福『緣』滿!」
另潘Sir還為達明一派寫過很多hit歌,劉以達送祝福:「祝佢新婚愉快!」
精選娛聞,喺晒《娛果》
http://fb.com/appledailyent