港大醫學院院長梁卓偉日前與特首林鄭月娥一齊出席記招，曾稱「戴住 口罩 無辦法講嘢」、醫護醞釀罷工不應牽扯政治，他昨晚為口罩一說道歉、今日就戴住口罩以港大醫學院世衞傳染病流行病學及控制合作中心創立總監身份出席港大記者會，建議政府除了限制湖北省居民以及任何過去14日到過湖北省的人士入境，更應「行多兩、三步」，防患未然。

武漢肺炎來勢洶洶， 香港 人要求封關，大陸湖北省已經「自我隔離」，有人連夜逃走，有人就留在當地。「美少女廚神」胡心諾（Rainbow），昨日透露身在距離武漢市一小時車程的小鎮，昨日她表示：「村口超市口罩都賣晒，有人上門量體溫，又給了一些消毒液。」Rainbow今日再次直擊當地情況，見到有身穿藍色保護衣的工作人員噴消毒劑，她又去了附近的一個大型超市，暫時見到貨品仍齊全，亦買到一款口罩，不過人流超少，街道上原本人多的地方都變得疏落。

Rainbow昨日說會如常過年慶祝，曾言：「唔通我喺武漢日日都要post啲愁雲慘霧先得？日子還是要過的，做好預防措施，關心一吓身邊嘅人。」她今日就找了一個地方食炭燒茄子，取暖同時醫肚。