環球金融市場焦點完全放喺日本核輻射擴散問題上，前晚花旗股市曾經大挫，收市跌幅略為收窄，係靠聯儲局份議息會後聲明，話睇好經濟前景所以掃返轉頭。都係藉口啫，不過花旗股市技術走勢已經轉穩，有機會再彈多啲。
港股噚日跟隨日股反彈，令人失望嘅係恒指只反彈22點收市，好彩技術走勢叫做繼續改善，滙豐控股（005）除息後靠穩，睇走勢港股要反攻都係要靠內銀股。
中建材C輪25575：中國建材（3323）噚日收報23.65元，升1.5%。股價月初打破整固格局重拾升勢，呢幾日面對波動嘅市況，中建材轉喺高位橫行，噚日大市靠穩，即刻又再炒上，睇嚟股價短線好大機會推向26元嗰頭，可以諗吓隻C輪25575。
隻輪現價34仙，8月1日到期，行使價22元，溢價7.4%，引伸波幅45%，槓桿率6.96倍，正股升上26元，25575睇50.9仙，升幅有49.7%，正股跌穿22.50元就沽咗隻輪。
俊樺