英超要到拆禮物日先至會有比賽，球星難得有假期，自然放鬆心情，咁曼聯球員點過節呢？紅魔上周英超擊敗西布朗，成績穩步上揚，所以領隊摩連奴決定給予紅魔球星放假兩日，而球星們都分批去玩，好似隊長朗尼，周日就帶同卡域克、拉舒福特、菲爾鍾斯、基斯史摩寧、連格等，到倫敦的冬季嘉年華，玩番夠本。至於費蘭尼則被影到去咗米蘭，放假旅行之餘，亦傳出佢會轉會至米蘭雙雄其中一間球會。

至於摩連奴又點？寸王仍要為球隊聖誕主場對新特蘭，以及新年前夕對米杜士堡計劃備戰工作，故只會留在酒店，領隊確實唔易做。