無定向辣火頭嘅全國政協副主席梁振英又嚟喇！繼噚日將電子煙拉埋港獨嚟講，成功吸引唔少收視後，689今日再整多鑊大家嘆！佢喺facebook好似好大條道理咁話，「為人師表者就應該拿出一如反對吸電子煙的態度，反對港獨」，仲話：「電子煙的例子說明我們只要對問題有是非觀，有立場、有態度，就不會以青少年人的自由為名，任之由之」。

哦，原來反港獨就好似反對吸電子煙，即係煙民好似港獨份子啦，咁煙商咪影響緊國家安全？八方又唔明，點解689做特首嘅時候，唔取締晒啲煙商、拉晒啲煙民呀？睇返資料，佢淨係喺最後一份《施政報告》話，積極研究立法規管電子煙咋喎，未有拿出一如反對港獨嘅態度，反對吸電子煙喎。

立會補選新聞，《蘋果》一網睇晒
http://bit.ly/appledaily1125