【各取所需】新保方同C朗交換飯鑊? AC笑咗
意甲西甲皇家馬德里AC米蘭C朗基斯坦奴朗拿度基安盧基當拿隆馬
要數近排轉會新聞最鬧哄哄嘅球星,基斯坦奴朗拿度(C朗)敢認第一,應該得「新保方」基安盧基當拿隆馬敢認第二。呢位同AC米蘭餘下一年合約嘅18歲門將,早前透過經理人宣佈唔會同A米續約,既然皇家馬德里一直渴求門將,兩位球星交換飯鑊咪啱晒數?A米體育總監米拉巴利接受意大利傳媒訪問時都有提及呢個可能性,不過似係講笑咁居多:「我哋隨時準備好同皇馬會長佩雷斯商討,當然唔計西班牙傳媒聲稱要準備嗰4億歐元支出啦。」言歸正傳,佢強調球會打算要求當拿隆馬履行餘下一年合約,無意今夏放人。
口裏說不,身體卻很誠實,意大利傳媒報道,A米已經向熱拿亞門將馬迪亞比連招手,並打算以後衛柏列達或者中場貝圖拉斯作交易籌碼,佩連嘅經理人亦已飛抵米蘭商討個人條件。