25歲星二代坂口杏里喺圈中發展多年都半紅不黑，其亡母坂口良子係經典日劇《新青春火花》女主角，當母親病逝三年，坂口杏里一直過住大花筒生活，更沉迷幫襯鴨店，把亡母留下嘅數千萬日圓遺產使清光。

坂口杏里孭上至少500萬日圓（約37萬港元）嘅巨債，結果今年要拍AV還債，佢嘅下海AV作劣評如潮，有人評為係最趕客AV，直指無論AV封面抑或露毛寫真集《What a day!!》都被指彈違反「商品說明條例」。

坂口杏里於今個月初推出嘅寫真集《What a day!!》，上市後銷量強差人意，事關日本男士已睇完佢嘅AV都喊晒口，繼而直接影響新書嘅銷情，首周只賣出1461本。相反35歲嘅艷星壇蜜仍深受日男歡迎，同期有全裸寫真集《向你祈求》上架就累積逾5000本銷量，係坂口杏里嘅三倍銷售量。