【本報訊】一直關注及追究警方被網民惡意起底的撐警大聯盟，前晚在其專頁貼文，展示一名消防員的個人資料，包括該名消防員的私人相片及其facebook留言。

專頁又指稱該名消防員在網上發佈仇警言論，又批評他為「黃絲曱甴消防」，「身為政府部門但反政府，你只係一個着上消防制服嘅暴徒，消防可恥！」

今次與警方發生衝突的消防員，其姓名及駐守消防局等個人資料亦被上載互聯網。

「唔好加任何顏色喺我哋身上」

香港消防處職工總會主席謝學忠表示非常關注消防員被網上起底事件，工會將會發內部通告。強調消防員執行職務時堅守政治中立，不分任何立場，呼籲外界不要將政治意見加諸於消防員身上，亦不應網上惡意起底等行動，工會會考慮向個人資料私隱專員公署投訴。

謝學忠說：「其實我哋進行任何拯救工作時，希望公眾唔好加諸任何顏色喺我哋身上，我哋好清楚自己任何有需要拯救嘅時候，我哋都會去做，我哋唔會因為你政治取向而唔會去救，亦都希望佢哋明白，唔好因為你哋嘅政治取向而加咗喺我哋消防身上，無論邊個，喺我哋立場上唔會理政治取向，個個都值得救，個個都要救。」

■記者謝明明