陳展鵬今日到會展出席《香港美容化妝及秀身展》擔任頒獎嘉賓，活動上 陳展鵬透露啱啱喺馬來西亞返港，期間品嚐到好多當地美食，佢話：「喺當地出席一個音樂節目嘅嘉賓，不過就唔需要唱歌，所以可以放心食。」佢話3日旅程中食咗好多嘢包括榴槤及肉骨茶：「好多前輩講過如果要唱歌係唔適合食肉骨茶，不過知道今次唔需要，所以就食得好放心，返嚟都覺得自己肥咗。」

有份擔正嘅新劇《天命》將會喺月底播放，陳展鵬話到時就要忙為新劇宣傳，講到近來幾套新劇，包括《深宮計》同《飛虎》喺大陸網上平台都獲得唔錯點擊，佢話：「係呀，佢哋都犀利，全部都億億聲點擊，不過我未知《天命》會唔會喺大陸播，如果可以播嘅當然係好事，可以多啲觀眾睇到。」

精選娛聞，喺晒《娛果》
http://fb.com/appledailyent