我求大俠喺度提醒摩連奴一句,球員落球場係為咗踢波,唔係真係諗住「入冊」或者入軍營服兵役,𠵱家連個人喜好都剝奪埋,就點講都唔通!不過無他嘅,球迷留意吓摩帥幾名愛將,好似泰利、林柏特、祖高爾同埋馬基列尼,全部唔係鏟青頭就係陸軍裝,唔怪知得佢哋咁鬼得寵,呢啲嘢冇得呃人嘅。
大家睇吓車仔嘅長髮代表基斯普、卡維奴同已經離隊嘅文尼捷,全部頭髮都長過個膊頭,佢哋冇正選打你都咪話唔關把長髮事。
「其實係咪長髮關摩連奴鬼事咩,至緊要場場交足表現;如果個球員把頭髮長到拖地,但佢又場場入幾粒幫球隊贏波,你慌摩帥唔用你?」