6月就會同新加坡馬可波羅海業集團主席李雲峰結婚嘅徐若瑄,下晝同好姊妹林心如,仲有葉安婷一齊揸住封利是自拍,女神徐若瑄左手無名指戴住嘅「閃盲人」疑似求婚戒指,就令到好多人(特別係女士)羨慕喇。
呢隻閃到人眼花嘅戒指,相信當然就係Vivian嘅訂婚戒指喇。上月尾先喺台北同未婚夫訂婚嘅Vivian,6月就會正式結婚,除咗會著VeraWang嘅一紅一白、價值25萬港幣嘅古典婚紗完婚之外,婚後仲會跟老公定居喺新加坡,不過唔使咁擔心住,雖然女神結婚了,不過Vivian已經講明承諾唔會息影,有好劇本仍會繼續拍戲。