【本報訊】如何修改《議事規則》防拉布，立會主席曾鈺成、議事規則委員會主席譚耀宗等過去亦提出不少建議，但兩年來仍停留在研究階段。曾任內會主席的劉健儀指過去曾鈺成「剪布」是引用了《議事規則》第92條給主席的剩餘權力，她認為做法並不妥當，建議仿效外國議會，若有三分之二或五分之三議員同意，可賦予主席「剪布權」。

「要信制度，唔係信人」

「𠵱家曾主席用《議事規則》第92條，所謂主席剩餘權力處理，我覺得唔妥當，咁大嘅權力唔可以由主席一個人按酌情權去做，你遇啱一個主席唔合理，就會唔合理去用呢個權力。」她闡述，外國不少議會遇上拉布經驗後，才修改規則防止議事程序被濫用，但過程必須平衡各方需要，確保議員的發言權不被剝削。她建議必須得到三分二或五分三議員支持，主席才可「剪布」，門檻比起一般議案為高，即需要大部份議員贊同方可。
她續說：「主席（此職務）你唔知會邊個人做，今時今日可能係好合理嘅主席，未來嘅日子係咪咁合理嘅主席，邊個能夠知道？邊個能夠估計呢？我哋要信個制度，唔係信個人。」至於有議員利用鳴鐘點算法定人數拉布、甚至蓄意製造流會，她建議只在開會前及投票前才需要確保有足夠議員在場，其餘時間議員不可隨意要求點人數。