長實偷步至強新盤將軍澳城中駅，噚日搞咗場嘈喧巴閉騷，五大經紀行例牌叫囂誓師後，就嚟一場差利競跑比賽，例牌得嚟算有番啲心思。
五間行各自犧牲一名同事扮差利，鬥快跑去撞門，結果由港置嘅唐文廸勝出，聽講有特別獎金。長實郭子威話，一定有好嘢益佢哋咁話。面懵一次就有着數，唔怪得班經紀咩都肯扮啦。
至於城中駅同差利有咩關係？用差利競跑嚟表達樓盤嘅宣傳口號22步好易到，又有咩意思？費解？！