【澳門小姐戀香港先生】麥嘉欣混血選美世家 李嘉豪6呎猛男排球男神

蘋果日報 2018/09/21 00:00

李嘉豪麥嘉欣澳門小姐甲一排球員
    「澳門小姐」麥嘉欣(Sofia Paiva)與香港排球大隻男李嘉豪(Kyle)因參加選美而撻著，麥嘉欣更要密密嚟香港同男友拍拖，兩人搭港鐵車程雖短，但都要糖黐豆咁，好明顯兩人o依家仲處於熱戀期。
    21歲嘅麥嘉欣係澳門出世嘅中、葡混血兒，出身自選美世家，佢媽咪後生時參加過澳門小姐。麥嘉欣o依家喺澳門讀緊大學第二年，舊年透過參加澳門選美聯盟成為澳門代表，出戰東京舉辦的國際小姐，而網友更將佢同去年港姐冠軍雷莊兒做比較，大讚佢生得標緻有仙氣，令人氣急升，雖然有不少廣告商演活動，但喺國際小姐就未有獲名次，而麥嘉欣今年7月卸任後演藝事業就頗為淡靜，活躍澳門居多。
    麥嘉欣同《蘋果》透露工作近況：「最近去咗韓國拍廣告，跟住有出席吓剪綵、節目，都係周圍走嚟走去，早排就喺澳門一個頒獎典禮，做表演嘉賓，用自己首歌嚟表演，自己都有兩首歌入圍，最近籌備緊MV，希望自己喺演藝方面有多啲機會嘗試唔同嘅嘢，但自己就鍾意電影。」
    而大隻男李嘉豪今年25歲，身高6呎1，擁有38吋朱古力爆肌，現時係現役甲一排球員，所屬仁濟球會，同時亦有做模特兒，佢同麥嘉欣一樣，透過參加澳門選美聯盟，成為香港代表，出戰16年國際先生比賽，之後殺入娛圈，參演過Viu TV《瑪嘉烈與大衛系列前度》，今年1月，同童愛玲做舞台劇《金星撞火星》演小鮮肉，而且劇中更同大佢20年嘅童愛玲有感情戲。
    精選娛聞，喺晒《娛果》
    http://fb.com/appledailyent
    empty
    「澳門小姐」麥嘉欣同香港甲一排球員大隻男神李嘉豪暗撻，早前同遊越南。(IG圖片)
    empty
    二人係參加選美活動認識。(IG圖片)
    empty
    李嘉豪早前同童愛玲做舞台劇，大騷38吋胸肌。（資料圖片）
    empty
    麥嘉欣日前被本報讀者目擊佢同李嘉豪攬住搭港鐵。（讀者洪先生提供圖片
    empty
    麥嘉欣舊年代表澳門參加國際小姐。（資料圖片）
    empty
    來自澳門嘅麥嘉欣仲係學生，讀緊大學二年級。（資料圖片）
    empty
    佢不時喺Ig貼靚相。(IG圖片)
    empty
    麥嘉欣來自選美世家，佢葡籍媽媽後生時參選過澳門小姐。(IG圖片)
    empty
    麥嘉欣成日「過大海」嚟香港拍拖。(IG圖片)
    empty
    李嘉豪喺越南旅行selfie。(IG圖片)
    empty
    李嘉豪係現役甲一排球隊仁濟嘅排球運動員。(IG圖片)
    empty
    平時都愛做boxing練大隻。(IG圖片)
    empty
    佢Ig貼咗唔少佢落場出賽型相。(IG圖片)