【有演員天份】憑《父子》橫掃6大電影獎 吳澋滔演而優則配

蘋果日報 2017/09/03 00:02

郭富城楊采妮司馬燕父子吳澋滔吳忠義
    要講到吳忠義（Togi），除咗佢有個好勁嘅明星亡妻司馬燕之外，佢個大仔吳澋滔（Ian）其實都好勁，Ian於2006年、以9歲之齡，參演由郭富城及楊采妮主演嘅電影《父子》，佢飾演城城個仔。雖然Ian只得9歲，又初登大銀幕，但係佢嘅演技備受讚稱，同年佢喺台灣《第43屆金馬獎》中，勇奪最佳男配角；翌年，Ian再憑《父子》喺《香港電影導演會年度大獎》最佳新演員金獎，之後再喺《第26屆香港電影金像獎》中，捧走最佳男配角及最佳新演員兩個獎項。另外，佢仲攞埋《第12屆香港電影金紫荊獎》嘅最佳男配角及最佳新演員獎，絕對係大豐收！
    雖然Ian獲傳媒捧為「雙料男配角童星」，但由於司馬燕認為兒子應該專注學業，所以之後冇再俾個仔拍戲，後來Ian只係城城推薦下，於2009年參與動畫電影《阿童木》配音，城城演天馬配士，Ian則聲演阿童木。
    現年20歲嘅Ian喺加拿大升學，同細佬景燿（Brian）喺當地開展新生活，舊年Togi有去加國探仔，三父子更去滑雪度聖誕，其後Togi更將同啲仔影嘅家庭照貼上社交網。儘管Ian已經淡出娛圈，但佢舊年有去捧「老竇」場，睇城城演嘅《寒戰2》，「兩仔爺」仲貼頭影合照，Ian又貼上自己嘅社交網站㖭！
    empty
    empty
    吳澋滔初登大銀幕，就係同郭富城拍《父子》。（劇照）
    empty
    仲有楊采妮做媽咪（《父子》劇照）
    empty
    喺台灣金馬獎紅地毯，Ian拖住「爹哋媽咪」行，勁開心！（資料圖片）
    empty
    然後攞到金馬獎最佳男配角（資料圖片）
    empty
    Ian喺《香港電影導演會年度大獎》最佳新演員金獎，旁為《父子》導演譚家明。（資料圖片）
    empty
    喺香港電影金像獎頒獎禮中，Ian再捧兩獎。（資料圖片）
    empty
    全家總動員祝賀（資料圖片）
    empty
    做完《父子》，然後到配音都係拍住上。
    empty
    相隔11年，Ian捧「爹哋」場，梗係嚟張合照先！（吳澋滔Instagram圖片）