當年今日

受80分貝噪音煎熬 居民「逃離家園」

蘋果日報 2018/05/25 00:00


【本報訊】「街邊太多人與車,繁華鬧市人醉夜……」在《彌敦道》毗鄰的西洋菜南街,每逢假日夜夜笙歌,居民到底是享受抑或受苦?有在西洋菜南街住了15年的居民表示,旺角行人專用區已變質,批評「新嚟個啲(表演者)好多都唔係表演,係收錢,純粹喺度呃飲呃食」;有街坊被迫早出晚歸,逢假日「逃離家園」避開噪音。不過,他亦認為只要縮短開放時間至傍晚前,表演者可表演,商戶可做生意,居民也有時間休息。
empty
每逢周末及假期,行人專用區擠滿一眾表演者,對居民造成滋擾。
李先生2003年搬入西洋菜南街,旺角在2000年設行人專用區,他稱初時「條街靜英英」,隔兩年才有人表演,惟當時最擾人卻是電訊商攤位,「你未見過啲旗海,兩邊都係,成六間擺晒喺度」。近10年則變為飽受表演噪音煎熬,「以前仲有CD舖嗰陣,同佢哋鬥大聲,如果嗰時你哋嚟到,300(分貝)度都到」。
記者周日在其家中以分貝計量度,打開窗門錄逾80分貝,關窗有近70分貝。根據科學研究所得,連續八小時處身聲級達85分貝的噪音環境,極可能損害聽覺。李先生平日大多關窗,面對噪音也無辦法,「惟有忍,一係叫佢收細聲啲,冇得鬧,佢播音樂播歌又冇人反對」。
empty
不少大媽被批評藉演出做生意。
斥表演者似做生意
他續指,「好多人都係好早瞓,有啲老人家真係8點就瞓,但你開到10點」。他說有鄰居索性「晨咁早就出咗門口,夜晚11點後返嚟。(有冇同你反映好陰功)冇得陰功,喺度住就要忍受」。他提到表演最「墟冚」時阻礙居民出入,「行去街口要成五、七分鐘(平時行幾耐)行嗰30米要幾耐?」
不過,他認為現時行人專用區已變質,「街頭表演我哋唔介意,但變咗質囉,好似做生意」,表演者收入可觀,「係你哋睇唔出,四個星期(收入)可以萬(元)做單位」。對於近年有大媽組歌舞團表演,李太則認為,「係有色情成份,你睇佢語言呀、身體點同嗰啲人講嘢,同真正表演係兩樣嘢」,又指「𠵱家新嚟嗰啲(表演者)好多都唔係表演,係收錢,純粹喺度呃飲呃食」。
至於油尖旺區議會討論是否撤銷行人專用區,李先生認為撤銷「只係過冷河,考慮吓點處理」,是一件好事,並指「以前有大笪地、有廟街,𠵱家得番呢條街真係有街頭表演」。他稱,理解有部份商戶不想取消行人專用區,但認為只要縮短開放時間至下午4、5時,「(市民)仲可以行街,表演者可以有時間表演,咁樣就大家雙贏」。
■記者張文鈴
empty
以分貝計量度行人專用區的音量,最高甚至超過104分貝。