當年今日
關於我們

伊健蒙嘉慧 婚前為錢拗數

蘋果日報 2012/10/26 06:00

伊健,蒙嘉慧,股份

伊健明確話出年娶蒙嘉慧(阿Yo),兩人拍拖7年終結果,可喜可賀,但今日有周刊報道話蒙嘉慧未嫁入鄭家,已經同伊健o係錢銀上面傾唔掂數,仲話蒙嘉慧要求要伊健公司股份,唔通未嫁就想分身家?

報道話蒙嘉慧唔係著眼錢,而係要有心,話阿Yo覺得大家已經談婚論嫁,入埋自己個名都好正常,股份唔使多,有心就得,不過伊健就覺得應該財政獨立,甚至連聯名戶口都唔想開,仲話蒙嘉慧因為咁唔開心。

又話身邊朋友認為佢o地唔係因錢銀問題,而係價值觀唔同,所以鼓勵佢o地去做婚前輔導。