【曾重逾2百磅】29歲韓作曲家肥仔變型男 4個月搣甩70磅
蘋果日報 2019/08/27 07:15
劉在煥
劉在煥成功由肥仔變型仔。- 瘦身後即變筍盤。
- 以前體重超過200磅。
- 曾出演《蒙面歌王》。
曾出演韓國人氣綜藝節目《蒙面歌王》的韓國作曲家劉在煥近日成為韓網的熱門話題，更登上熱搜榜冠軍。
原本是肥仔一名的劉在煥近日成功減肥32kg（約70.4磅）而受到各界關注，他原本體重達104kg（約228.8磅），但因為體重太重而出現痛風、腰椎間盤突出症、膝頭哥疼痛、高血壓等10多種疾病，於是令劉在煥的起心肝減肥，而劉在煥最終靠一間減肥公司協助，成功搣甩70磅，令他現時體重僅得158磅，即時由肥仔變型男。
劉在煥於今年4月開始減肥，他因為體重問題未能做過量的運動，主要是靠減肥儀器及在食物方面減肥，他於首周就已成功減掉5kg（約11磅），之後6月時又減了16kg（約35.2磅），最終在今個月成功減了32kg（約70.4磅）。劉在煥現時身形回復瘦削，亦踢走大肚腩，他說：「很多人都支持同埋鼓勵我減肥，為咗報答佢哋，我會更加健康及帥氣，同時會作更好嘅歌來報答大家。」雖然劉在煥成功由肥仔變型仔，但他的目標是減到68kg左右（約149.6磅）。