捱過5年獄中暗黑生活，前政務司司長許仕仁今日終刑滿出獄。雖然妻子羅美美未有親身到赤柱監獄外迎接，但早在一周前，許太已四出張羅為丈夫出獄作準備。二人相知相愛45年，許太深知丈夫「最怕凍」，因此特意購買大量暖包，讓他過一個暖笠笠的冬天；此外又特意到電訊商為丈夫處理好手機卡事宜，認真貼心。《蘋果》於許仕仁出獄前一星期跟許太進行專訪，她直言已準備二人共晉晚餐慶祝，但由於丈夫近日有「甩牙」問題，未知會否因此令口味改變，因此屆時會以丈夫喜好為主，「佢鍾意去邊食，咪（遷）就佢囉，佢話食乜咪食乜！」

《蘋果》上周在一間酒樓內與許太碰面，一直保持低調、樸實形象的許太，5年來外形都一如以往、短短的白髮，加上幼黑框眼鏡，啡色外套再配以長褲。約了朋友午膳的許太自言「胃口細」，叫了幾款點心也只吃了一點點。談到許仕仁入獄5年間，她坦言每月4次的探監規定都會用盡，而對上一次探監是一周前，「佢（精神）唔錯，可能裏面冇咁多古靈精怪嘢食。」她又透露一度暴瘦變「瘦龍」的丈夫，現在體重已慢慢回復，「佢體重好似一條curve（曲線），初入去（坐監）係大肥仔，然後瘦啲，依家加返啲磅（數），但唔係大肥仔，面色各樣都唔錯。」不過她透露，最近許仕仁因眼睛毛病要入瑪麗醫院進行小手術，「但好快出返嚟」！

為讓丈夫過一個暖笠笠的冬天，許太直言已為丈夫張羅大量暖包，以免他不夠暖。至於出獄當日，許太已安排司機和朋友接送，而她則留在家中等候，然後二人會吃飯慶祝，但未知外出還是在家吃，「佢鍾意去邊食，咪（遷）就佢，但我諗佢未必想即刻出街，佢想食乜就盡量將就。」對於丈夫口味，許太就最清楚不過，她指丈夫愛吃肉，因怕骨不愛魚，亦不愛瓜類，「但在獄中生活5年，唔到佢選擇，會唔會（口味）改變就唔知。」探監時，更發現許仕仁「有多少牙甩出嚟」，「係咪仲食到咁多肉，我又唔知，（所以出獄後）佢話食乜咪食乜。」

適逢今年是二人結婚45周年，言談間許太透露，夫妻間相處之道在於互相遷就，「例如我鍾意食魚，佢怕骨唔食，但當然佢（出獄）返屋企，會（遷）就佢多啲啦！」許仕仁愛吃甜食，記者過往曾拍到他花600元買了13件蛋糕，又曾到名貴凍肉芝士店和連鎖西餅店，買下大袋食物、紅酒和兩盒西餅，又經常與太太到日本人俱樂部、陽明山莊等撐檯腳，被問到結婚周年如何慶祝，許太笑言：「我唔係好興（慶祝），如果大家感情關係OK，相處OK就係OK。」

自言是退休公務員的許太，每月有長俸，且無兒無女，無買樓，生活穩定。對於丈夫出獄後會否「重出江湖」，她直言任由他自己決定，「等佢返出嚟唞吓先，佢想唔想做嘢定點，我唔係好大問題。」待丈夫的破產令解除後，「到時返工做咩都可以，自由了！」

事實上2013年許仕仁破產後，二人已搬離涉及巨貪案的4,500呎禮頓山超級豪宅，而許太平日有工人照顧，深居簡出，生活樸素，出入由司機接載。閒時，許太亦會相約好友見面飲茶，其中包括曾為唐英年擔任競選特首公關的馮馬潔嫻。可能臨近許仕仁出獄，許太心情靚爆，與馮太午膳時，叫了一個328元的二人午市套餐，包括5款點心和一款麵飯，二人吃得開懷，席間有說有笑。

記者：莊建鑫、黎少英、阮斌、郭美華

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568