周柏豪同傅嘉莉（Kelly）噚晚到灣仔會展參加時裝展，兩人擔任客席模特兒行騷。

講到會場外嘅佈景板，日前無啦啦喺底部加咗塊「蠱惑的鏡」，搞到一眾女星及女模走光，不過嗰塊鏡噚日已經封咗，Kelly喺女星走光位置影相時，都份外小心，望多兩眼，但佢就因為跌咗貼紙，搞到要彎身執起佢，其間就唔覺意騷胸。

講到有女星走光，Kelly話：「雖然我打咗底，但都會望吓。我都戥啲女星唔開心，嗰晚我都見江若琳，佢好靚好高貴，咁走光好唔抵。」Kelly坦言向來偏重上身走光措施，但0依家連下身都要兼顧。

另外，柏豪緋聞女友Stephanie任職I.T集團，當晚時裝騷亦屬旗下，會否因女友關係而收友情價？柏豪話：「好多朋友我都畀折，合作開心唔一定為錢。」