阿祥從來是一位守諾言的好丈夫、好爸爸，他曾承諾一生一世照顧及愛錫妻兒，可惜現在他已無法辦到。「阿祥應承囝囝過幾日帶佢去游水、釣魚，又話過同我一齊努力賺錢，遲啲兩公婆開間小食店，但𠵱家佢無端端走咗，我兩仔乸冇晒希望，以後都唔知點算。」梁太哽咽着說。
兒子現年僅4歲
25歲的梁太，與阿祥結婚5年，育有一名現年4歲就讀幼稚園兒子。阿祥原本任職客貨車司機，由於收入不穩定，難以維持生計，年前遂決心轉行。
「阿祥揸咗客貨車好多年，屬於自僱形式，要有人叫車先有錢。自從囝囝出世之後，經濟壓力愈嚟愈大，所以阿祥希望轉行，搵一份正正經經嘅工。」
阿祥兩年前轉行在貨船上當貨物起卸工人，工作相當辛苦，但收入較以前理想。
正當一家三口憧憬着往後的幸福日子，阿祥卻遇上工業意外；本月15日凌晨，正值1號風球懸掛期間，阿祥於青衣海面起卸貨櫃時，疑因海面風浪太大，他失重心跌落10米下艙底，送院前已證實不治。
梁太哭訴：「當晚9點我重同阿祥通過電話，佢話夜啲收工會再畀電話我，點知半夜1點收到嘅電話係差館打嚟，佢話我老公出咗事，救唔番，送咗去殮房，我連佢最後一面都見唔到。」