昨晚婚宴筵開約50席，阿公扶着穿Alexander McQueen高級訂做百萬婚紗、戴鑽石耳環、3卡求婚黃鑽、鑽石婚戒、手鈪的老婆接受訪問，兩人應要求蜻蜓點水式連咀四次，二人又為過百傳媒以雙語回答問題，阿公指着手上大黃鑽戒說：「其實係訂婚戒指，另一隻鑽石先係婚戒，今朝接新娘自己嚇一跳，唔知媽咪準備咁多家當做禮物，長輩送一堆龍鳳鈪，可能長輩見我哋已經8年愛情長跑，都已經有啲憂心。」

造人老婆話事

問阿公簽紙時有沒有喊？他指一指老婆說：「佢有，我頂緊，今朝着起禮服就有啲心跳，到入禮堂時就跳到嘭嘭聲，我真係好緊張。」戴老婆奴面罩，代表婚後做老婆奴？他說：「我哋相處咁多年，一直都好少嗌交好多討論，到𠵱家修成正果，姊妹開個玩笑啫，往後我哋都會繼續學習尊重對方。」將財政大權交老婆？Anita笑說：「一直這方面都給我，很相信我。」阿公鬼馬說：「所以我不能在外面搞鬼。」問婚後是否不設防？兩人即打情罵俏，阿公問老婆：「設唔設好呢？老婆。」老婆答：「你揸主意啦，老公。」阿公謂老婆飛行哩數多過自己，即指老婆要經常飛？有記者提議：「不如飛機造。」阿公笑說：「呢個主意幾好。」