各大聯賽都仲擔心緊 疫情 影響球季嘅時候，中超已經為聯賽重開密鑼緊鼓。廣州恒大周六就喺訓練基地同梅州客家進行第二次嘅熱身練習賽，結果恒大憑19歲新疆青訓小將柏爾曼江個人梅開二度，艾克森、韋世豪和久休復出的高拉特各入一球，以5:0輕取對手。

今次已經係疫情下恒大第二次嘅熱身練習賽，上次嘅對手都係梅州客家，以3:1獲勝。今場到上半場尾段，韋世豪接應直線，單刀射入為球隊先開紀錄，完半場前今場恒大隊長艾克森為球隊射成2:0。下半場，久休復出嘅高拉特頭槌攻門為球隊攻入第三球，其後，19歲的青訓小將柏爾曼江個人梅開二度為球隊奠定勝局。

高拉特上年一月由恒大外借到巴甲彭美拉斯，可惜4月膝蓋受傷，之後都一直冇參加任何比賽，今次熱身賽復出表現唔錯，佢話：「武漢肺炎結束後，我就可以出場比賽了。」不過，因應疫情，呢位歸化中國嘅巴西球員仲未得到國際足協批准，未能夠代表中國隊住。