今午（25日）第八場三班草地1000米直路賽，潘頓夥拍沈集成馬房「大武士」開閘應聲彈出，其後被徐徐收慢留守放頭馬之後，守第二位，末段重新加速上前，贏亞軍「威風霸皇」3.75馬位之多，完全無對手，人馬合作兩戰保持不敗。

四歲澳洲自購馬「大武士」對上兩場均配見習騎師巫顯東，一次梗頸四被問話，另一次即上仗嚴重漏閘跑第七，今次不再貪圖減磅，趁巫顯東停賽，寧願重召潘頓負重至133頂磅，結果成功收復失地。

沈集成說：「我一直好支持徒弟巫顯東，因此在『大武士』大前仗在港初出用潘頓勝後，向馬主建議希望支持東仔。而另一邊廂，潘頓一直多次向我索騎『大武士』，但我真是想給東仔多些機會，可惜此馬可能真是不太合東仔發揮，東仔對上兩次跑此馬，都未能發揮馬兒最佳水準，我便與馬主再商量，不如試吓用番潘頓，結果不但取勝，而且贏得好遠。『大武士』賽前左前蹄甩蹄鐵，需要重新釘甲，點知跑完輪到右前甲甩了蹄鐵，兩隻腳輪流甩蹄鐵，好彩沒有影響發揮。」