鄧萃雯與廖碧兒昨日在九龍塘一所中學出席《為真我喝采》活動，與現場300多名學生大談對真我的看法。鄧萃雯透露中學時要穿着旗袍校服，當時覺得好保守，不過她說：「諗番就會覺得係學校希望班學生唔使花心思去扮靚，因為點扮都冇用，啲款咁老土，可以畀學生專心讀書。」

鄧萃雯自爆當年曾因前額高而被起了花名「太空館」，她笑說：「靚唔靚唔係單靠外表，內心都好重要。有時唔好嘅事可能都會係好，就因為額高，我做《金枝慾孽》時化起古裝就好好睇。」另外，對於有份在下月台慶頒獎禮角逐獎項的廖碧兒，被問到有傳陳法拉獲高層撐腰時說︰「我只係覺得喺公司生日會，可以一齊着得靚靚參加已經好開心，獎項對我從來都唔重要。」
採訪、攝影：何永寧