當年今日
關於我們

【有新戲上】為耍大牌再道歉 《延禧》吳謹言︰我做錯了

蘋果日報 2018/09/10 15:43

道歉延禧攻略吳謹言

大陸女星吳謹言,憑宮鬥劇《延禧攻略》飾演「魏瓔珞」一角而爆紅,人氣急升,食住個勢《延禧》一班演員,包括吳謹言將會本月24日中秋節當日來香港宣傳(相關新聞︰ https://bit.ly/2M8B0CK)不過早前有指佢紅咗耍大牌,辣㷫咗央視旗下嘅《中國電影報導》,被對方喺微博力數佢三宗罪,之後仲傳出廣電總局口頭通知各大影視公司「慎用」這演員,即傳出吳謹言失咗兩部片約,事後吳謹言要三度道歉嚟補穫。(相關新聞︰https://bit.ly/2LAM7Ej)
上周五(7日),吳謹言現身廣州,為佢主演嘅新戲《說走就走之不說再見》宣傳,佢喺見面會上有講有笑,心情唔錯,而呢部《說》片會喺本月14日喺大陸上映。吳謹言今次南下宣傳新戲,唔敢再耍大牌,仲接受當地媒體專訪,對於自己之前被指耍大牌一事,佢再次道歉並回應︰「我做錯了,大家的監督給我一個方向,怎麼樣去做得更好。」
吳謹言喺《說》片飾演雪琪,佢一身搖滾嘅造型,雖然係時裝片,不過都要穿越戈壁沙漠、高山雪地嚟拍都唔簡單,佢仲話當日拍完《延禧攻略》之後,就拍呢部戲,佢當日喺發布會上話︰「魏瓔珞是我電視劇的一個新開始,希望雪琪是我電影開始的第一步。」
雖然吳謹言因為耍大牌事件,傳出被飛出新片《八佰》,由《甄嬛傳》嘅「祺嬪」唐藝昕頂上(相關新聞︰ https://bit.ly/2wVTLVs)。不過佢之後會拍兩部新劇,分別係《延禧攻略》原班人馬嘅《皓鑭傳》,同埋《朝歌》,吳謹言仲透露呢兩套劇嘅角色好有挑戰性,佢向媒體表示︰「做一個具有更多可能性、憑角色和作品說話的演員。」

精選娛聞,喺晒《娛果》
http://fb.com/appledailyent
empty
早前佢宣傳新戲時,接受內地媒體訪問,再次為耍大牌一事道歉。(微博圖片)
empty
開學日當天,吳謹言係自己微博留言,為同學們加油。 ​​​​(微博圖片)
empty
《延禧》嘅製片人于正,都有去支持吳謹言嘅新戲。(微博圖片)
empty
今日吳謹言(中排左四)係微博貼咗張畢業相,慶祝教師節。(微博圖片)