可嵐﹑白健恩（小白）及陳蕊蕊等，噚晚出席一個活動，可嵐透露呢排忙於教人整咖啡，以及為新歌《愛‧傷了》宣傳，佢話今次係第一次自己填詞，又話用咗淚水及汗水換成墨水去寫，佢話：「用咗半年時間，當中有自己經歷，自己係歌手，藉歌曲表達自己感受。」

可嵐又謂新歌MV邀來白健恩任男主角，兩人仲有床上戲添，可嵐話：「仲有一場戲小白鬧我，當時畀佢鬧到喊，因為事前冇夾過內容，但小白好入戲，令自己情緒都有激動。」咁床戲有冇摸到重要部位？可嵐笑稱：「我摸佢多啲，因為佢胸膛好大，係我話揀佢演出，因為我鍾意大隻男仔。」