當年今日
關於我們

【有口話人】王貽興為被困秘魯港女出氣 FB轟項明生為呃Like引人注意

蘋果日報 2020/03/30 23:13

項明生王貽興武漢肺炎

自從武漢肺炎在全球大爆發,各地疫情嚴峻,各國及各地政府紛紛呼籲民眾不要外遊,亦封關阻止疫情入境。日前有香港女生Tammy(化名)在自己的facebook旅遊專頁上訴苦,指秘魯自本月16日鎖國後,她被困於當地城市庫斯科,而她入住的旅舍因為曾有確診者,整幢旅舍遭政府封鎖,此事被有「旅遊達人」之稱的項明生今日在FB撰文指Tammy「明知外有毒,偏向病毒行」,他更直言是看到有多條相關新聞報道後「不吐不快」。不過,有網民隨即發現項明生的文章有多處漏洞,而且發現Tammy早在去年底、即在疫情爆發前已經出發,而且若要由當地返港,很可能要經過疫情更嚴峻的歐洲,風險更高,有人質疑身為「旅遊達人」的項明生不可能不明白Tammy的處境和苦況。
港產作家王貽興今晚亦在自己的FB開post炮轟項明生有口話人,冇口話自己,王貽興指項明生搞錯Tammy出發日期,更「斷章取義,刻意誤導」,令Tammy被一班沒有fact check的網民起底及狂鬧,王貽興質問項明生說:「如果人哋11、12月疫情未嚴重嘅時候出發,已經被你鬧到要落十八層地獄死不足惜,咁閣下今年2月仲繼續出發去旅行,又去日本又盛,呢幾個月自認飛過好多次,仲響墨西哥玩果陣掃晒當地嘅口罩同消毒用品擺上網呃like,事後俾人話你就delete post,請問閣下係咪罪加七等?定係雙重標準,自己唔理疫情去飛就得,人哋飛就係自私抵死不負責任?」
未知是否有鑑於多位名人通常在社交平台「講錯嘢」出事後都愛以賬號被盜用或由不同管理團隊來管理作藉口,所以王貽興在post中封項明生後門說:「閣下嘅fb account係咪又係由唔同團隊管理,所以唔關你事,亦唔存在自打嘴巴或者有口話人冇口話自己嘅問題?」
在王貽興的post中,亦點出呢一個疑點:「點解滯留響秘魯嘅,除咗呢個女仔,仲有香港旅行社嘅廿幾名團員,但你半句都冇批評過,係咪因為閣下同好多旅行社sponsor有太多利害關係,唔敢得罪佢哋,所以雙重標準,剩係向無權無勢嘅細路女開炮?」
王貽興直斥項明生「#為呃like可以去到幾盡」,王貽興更在post尾暗示項明生出post只是為了吸引外界的關注「刷存在感」,而靠文字「搵食」的王貽興更指出項明生的post的錯字,甚至落「#炒咗幫你寫呢篇嘢嘅管理團啦正文盲冇文化又唔做嘢又唔讀書」tag來寸爆項明生。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
王貽興在FB轟項明生有口話Tammy,冇口話自己。(FB圖片)
empty
網民讚王貽興鬧得好。(FB圖片)
empty
亦有人覺得王貽興「助攻」。(FB圖片)
empty
網民有不同睇法。(FB圖片)
empty
(FB圖片)