當年今日
關於我們

【屋企人都係叫瑩瑩】改名做張珮汶 張家瑩:為健康及生意好啲

蘋果日報 2017/06/27 21:14

張家瑩顏子菲張珮汶

張珮汶(前名:張家瑩)、顏子菲與太極成員鄧建明及雷有輝等今日現身紅磡參與《環遊世界》周年晚宴,鄧建明與雷有輝對於隊友朱翰博跟戴夢夢分手一事,鄧建明指早過傳媒半個月知道,最重要是兩人和氣分開,而雷有輝覺得發夢總有醒的時候,而感情的事是兩人本身才明白。
張家瑩改名做張珮汶,佢解釋係有位台灣朋友嘅易經師傅提議的,佢話:「我同位師傅無見過面,但佢話改咗名之後對我健康同做生意都會好啲,而佢講我健康上問題都講得好中,所以自己都相信就改咗呢個名。」師傅同佢講要有一段適應期,因為呢段時間佢運程比較平穩,直至幾年後四十歲開始運勢踏入低潮時才會察覺改變。至於感情方面,佢表示一向都好好,所以沒有特別查問,而原本家瑩的名是由爸爸所改,所以改名前都跟爸爸商量,不過長輩們都叫慣咗佢個名,喺屋企仍然係叫「瑩瑩」。
以低胸裝束現身嘅顏子菲,每逢夏天都習慣曬太陽,但有次曬出一大個泳衣印,足足三個月也沒有退色之後,佢就每次晒太陽都好小心。原本今日想著一條十年前嘅旗袍出席,佢話:「著上身後拉鏈都拉唔埋,可能當時十幾歲,身型瘦啲,同o依家做gym身型唔同。」嚟緊會忙拍網劇同電影,亦會接拍公司有份投資古裝劇。
empty
張珮汶(前名:張家瑩)、顏子菲今日現身紅磡參與《環遊世界》周年晚宴。
empty
同場仲有太極成員鄧建明及雷有輝。
empty
施綺蓮
empty
何紫綸