同朋友搭SMRT去到編號EW18嘅Redhill站,再步行5分鐘便到達當地嘅車行街––AlexandraStreet;呢條街同香港灣仔嘅告士打道一樣,差唔多所有汽車品牌嘅Showroom都集中於此,如Subaru、Porsche、Citroen、Toyota等大廠都有,可算係買車必到之地;不過最吸引我哋駐足細看嘅,就係Mitsuoka嘅Showroom。點解?因為可以再同全球車迷期待已久嘅Orochi見面囉!綽號「大蛇」嘅佢,其實早喺去年嘅新加坡車展見過面,今番再度遇上,梗係想同佢更近距離接觸。本想入內一親大蛇香澤,可惜Showroom嘅營業時間已過,跟朋友只可以隔窗觀看,認真可惜。