據《The Hollywood Reporter》報道，華納電影日前宣佈將開拍以經典奸角小丑擔正嘅全新電影（新聞連結： http://bit.ly/2iQbvg8 ），已搵嚟創作《醉爆伴郎團》（The Hangover）嘅Todd Phillips編劇同執導，而今次片商更要打造出「不隸屬DC電影世界」嘅小丑獨立電影，所以小丑一角唔會由謝勒力圖（Jared Leto）飾演，有傳金像影帝里安納度狄卡比奧（Leonardo DiCaprio）會係最佳人選。

據了解，大導演馬田史高西斯（Martin Scorsese）獲斟出任新片製作人，現時男主角人選尚未落實，雖然話鎖定里安納度飾演新版小丑，但原來計劃十劃都未有一撇，起碼要待華納同馬田史高西斯傾掂數才會影響里安納度接拍與否。對此，馬田史高西斯、里安納度同埋華納方面都拒作回應。