【綺夢返嚟喇!】49歲張敏「簡單」回歸幕前 重返娛圈
張敏綺夢賭聖復出
90年代喺《賭聖》演「綺夢」,而成為女神嘅張敏,2003年淡出香港娛樂圈後,行蹤相當神秘,仲同圈中人斷絕,直到2013年,定居喺北京做生意嘅張敏,接受《蘋果》訪問話同前經理人劉永輝結婚。(新聞連結: http://bit.ly/2lA3Put )
張敏做咗人妻,繼續過住養尊處優、唔使點做嘅生活,喺舊年年尾仲開咗微博,上載咗幾張近照,唔少網民見到佢個樣keep得好好,留言大讚佢添!
啱啱過咗49歲生日嘅張敏,早前接受周刊訪問,宣佈復出幕前。正如張敏所講「這一次,我想,簡單的,回來」一樣,佢話自己希望簡單「看我的人,才能越多可能。」
講到近年嘅轉變,張敏笑笑口話最大嘅差別就係瘦咗,以前做人做事都好有個性,0依家性格已經被磨平,心靈亦變得安靜、容易沉澱,佢仲話可能係因為自己近年對人生嘅想法開悟咗,變咗喺心態、感悟事情嘅程度都去咗另一個層次。張敏仲話唔會再意人哋點睇自己,只要對自己有自信、凡事採取開放態度,所以佢選擇以「簡單」方式回歸演藝生活。